Luvr Muzeyində məşhur Mona Liza tablosuna baxmaq üçün əlavə bilet tələb olunacaq.
AZƏRTAC xəbər verir ki, bunu muzeyin direktoru Loran de Kar “France İnter” kanalına müsahibəsində bildirib.
Dünyanın ən çox ziyarət olunan muzeyinin rəhbəri bildirib ki, ziyarətçilərdən ekspozisiyanı gəzmək üçün bir, Mona Liza tablosuna baxmaq üçün əlavə bilet alınması tələb edilə bilər.
Qeyd edək ki, bir neçə gün əvvəl muzeyin vəziyyəti ilə bağlı yayılan məlumatlar Fransa cəmiyyətində narazılıq doğurub.
