Böyük Britaniya iqtisadiyyatı iyul-sentyabr aylarında artım nümayiş etdirməyib.
AZƏRTAC xəbər verir ki, Böyük Britaniyanın aparıcı biznes qurumlarından olan CBI son hesabatında iqtisadiyyatın bütün mənfi ssenarilərə doğru yönəldiyini bildirib.
Baş nazir Kir Starmer və maliyyə naziri Reyçel Rivz iyulun əvvəlində hakimiyyətə gəldikdə iqtisadiyyatın ağır vəziyyətdə olduğunu vurğulayıblar. Onlar oktyabrın 30-da açıqlanan büdcədə işəgötürənlər üçün vergi artımı elan ediblər.
Keçən həftə İngiltərə Bankı (“The Bank of England”) dördüncü rübdə də iqtisadiyyatın sıfır artım göstərəcəyini proqnozlaşdırıb. Buna baxmayaraq, inflyasiyanın yaratdığı risklər səbəbindən faiz dərəcələrini dəyişməz saxlayıb.
