Bakı. TurkicWorld:
Azərbaycan Prezidenti İlham Əliyevin başçılığı, Türkiyə Prezidenti Rəcəb Tayyib Ərdoğanın dəstəyi ilə Qarabağ 30 ildən sonra işğaldan azad edildi.
TurkicWorld xəbər verir ki, bu sözləri Türkiyə Böyük Millət Məclisinin (TBMM) sədri Numan Kurtulmuş Türkiyə-Azərbaycan Birgə Konfransında çıxışında deyib.
Kurtulmuş onu da bildirib ki, Türk Dövlətləri Təşkilatı (TDT) bu gün öz gücünü nümayiş etdirmək iqtidarındadır.
"TDT-yə üzv olan hər bir ölkə təkbaşına deyil, ölkələrimizin ortaq məqsədləri istiqamətində addımlar atır. Türk dövlətlərinin güclənməsi münaqişə zonasına çevrilmiş dünyanın rifahı üçün çox önəmlidir", - deyə o vurğulayıb.
