Bakı, 19 aprel, AZƏRTAC
İqtisadi nümayəndə heyətinə başçılıq edən İsrailin xarici işlər naziri Eli Koen Azərbaycana işgüzar səfərdən sonra Türkmənistana yola düşüb.
AZƏRTAC xəbər verir ki, İsrail KİV-lərinin yaydığı məlumata görə, bu, İsrail XİN başçısının Türkmənistana uzun illər ərzində ilk səfəridir. Adətən, bu ölkəyə səfərlərdə İsrail nümayəndə heyətinə XİN-in departamentinin baş direktorunun müavini rəhbərlik edirdi və siyasi deyil, iqtisadi məsələlər müzakirə olunurdu.
Türkmənistanın İsraildəki səfiri Romada fəaliyyət göstərir. Eyni zamanda, İsrailin Aşqabadda səfirliyi var. Hazırda İsrailin Türkmənistandakı səfiri İsmail Haldidir.
